დონჩიჩის 43 ქულა საკმარისი არ აღმოჩნდა | ლეიკერსმა გოლდენ სტეიტთან წააგო

„ლოს ანჯელეს ლეიკერსმა“ NBA-ის ახალი სეზონი საშინაო არენაზე გამართული მატჩით გახსნა და „გოლდენ სტეიტ უორიორსს“ შეხვდა. ლებრონ ჯეიმსის გარეშე მოასპარეზე „ლეიკერსმა“ „გოლდენ სტეიტს“ ვერაფერი დაუპირისპირა და 109:119 დამარცხდა.

მატჩის პირველი ტაიმი თანაბარ ბრძოლაში წარიმართა და შესვენებაზე „გოლდენ სტეიტს“ მხოლოდ 1-ქულიანი უპირატესობა ჰქონდა - 55:54. გადამწყვეტი მესამე მეოთხედი აღმოჩნდა, რომელიც „უორიორსმა“ 10 ქულით მოიგო და კომფორტული უპირატესობა შეინარჩუნა.

„გოლდენ სტეიტის“ რიგებში საუკეთესო ჯიმი ბატლერი იყო - 31 ქულა, 5 მოხსნა, 4 შედეგიანი გადაცემა. სტეფ კარიმ 23 ქულა და 4 ასისტი მიითვალა. ბადი ჰილდსა და ჯონათან კუმინგას 17-17 ქულა ჰქონდათ. „ლეიკერსის“ მხრიდან ფენომენალური იყო ლუკა დონჩიჩი - 43 ქულა, 12 მოხსნა, 9 ასისტი, 2 ჩაჭრა, 1 დაფარება. ოსტინ რივზმა 26 ქულა, 5 მოხსნა და 9 პასი გააკეთა.

გეტყვით იმასაც, რომ „ლეიკერსი“ მომდევნო შეხვედრას 25 ოქტომბერს, „მინესოტა ტიმბერვულვზის“ წინააღმდეგ გამართავს, ხოლო „გოლდენ სტეიტი“ „დენვერ ნაგეთსს“ დაუპირისპირდება.