სტერლინგი: უმარს 2 ბრძოლის მოგება სჭირდება, რომ სატიტულო შანსი მიიღოს

ალჯამეინ სტერლინგმა უმარ ნურმაგომედოვზე ილაპარაკა.

UFC-ის სუპერ მსუბუქი წონითი დივიზიონის ყოფილი ჩემპიონი მიიჩნევს, რომ უმარისთვის მარიო ბაუტისტას დამარცხება საკმარისი არ იქნება იმისთვის, რომ ის სატიტულო რბოლაში დაბრუნდეს.

„თუ მარიო გაიმარჯვებს, მას ექნება შანსები ტიტულზე. მას გრძელი მოგებათა სერია აქვს და დაამარცხა Bellator-ის მრავალგზის მოქმედი ჩემპიონი პატრიკ მიქსი. მაგრამ მე ვფიქრობ, რომ თუ უმარი გაიმარჯვებს, მან კიდევ ერთი ბრძოლა უნდა ჩაატაროს. უმარს მინიმუმ ორი ორთაბრძოლის მოგება სჭირდება, რომ სატიტულო ბრძოლის შანსი მიიღოს. წინააღმდეგ შემთხვევაში, თქვენ მიიღებთ საცობს ზედა ნაწილში, როდესაც ერთი და იგივე ბიჭები ისევ და ისევ ერთსა და იმავე ბიჭებს ეჩხუბებიან“, – განაცხადა სტერლინგმა თავის YouTube-არხზე.

შეგახსენებთ, რომ ნურმაგომედოვმა მერაბ დვალიშვილთან იანვარში მსაჯთა ერთსულოვანი გადაწყვეტილებით წააგო.

უმარის შემდეგი ბრძოლა 25 ოქტომბერს, UFC 321-ზე გაიმართება. მისი მეტოქე მარიო ბაუტისტა იქნება.