დიდი სენსაცია შანხაიში - ჯოკოვიჩს 204-ე ჩოგანმა მოუგო
ჩინეთის ქალაქ შანხაიში მიმდინარე საჩოგბურთო მასტერსზე დიდი სენსაცია დაფიქსირდა - ლეგენდარული ნოვაკ ჯოკოვიჩი ნახევარფინალში რეიტინგის 204-ე ნომერ ვალენტინ ვაშეროსთან ორ სეტში, 3:6, 4:6 დამარცხდა და ფინალს მიღმა დარჩა. აუცილებლად უნდა აღინიშნოს, რომ სერბი თითქმის მთელი მატჩი ტკივილის ფონზე ასპარეზობდა და აშკარად ეტყობოდა, რომ ტრავმირებული იყო. საინტერესოა ის ფაქტი, რომ ვაშეროსთვის ეს ტოპ-ათეულის წარმომადგენელთან პირველი გამარჯვება იყო.
რაც შეეხება ნოლეს, ის ამაზე დაბალი რეიტინგის მქონე მოწინააღმდეგესთან კარიერაში ორჯერ დამარცხებულა - პირველად 2010 წელს ბელგრადში 319-ე პოზიციაზე მყოფ ფილიპ კრაინოვიჩან და მეორედ ამავე წელს, 293-ე ადგილოსან რეილი ოპელკასთან ბრისბენში. ამ მოგებით ვაშერო გახდა ყველაზე დაბალი რეიტინგის ჩოგბურთელი, რომელმაც შანხაის მასტერსის ფინალში გასვლა მოახერხა. აქამდე მასტერსის სერიებში მისი საუკეთესო შედეგი მეორე წრეში გასვლა, რომელსაც მშობლიურ მონტე-კარლოში მიაღწია.
გადამწყვეტ მატჩში ჯოკოვიჩის მძლეველი ვალენტინ ვაშეროს მეტოქე დანილ მედვედევსა და მის ბიძაშვილს, არტურ რინდენკრეშს შორის გამარჯვებული იქნება.
