ბერძნულ-რომაული ჭიდაობა: ორი ქართველი მსოფლიო ჩემპიონატის ფინალშია
ხორვატიის დედაქალაქ ზაგრებში მიმდინარე მსოფლიოს ჩემპიონატზე ბერძნულ-რომაული სტილით ჭიდაობაში, დღეს ორმა ქართველმა ფალავანმა ფინალში გააღწია.
55 კგ კატეგორიაში 18 წლის ვახტანგ ლილუამ ნახევარფინალურ ბრძოლაში თურქ შაქირს აჯობა (2:2 ბოლო ქულის წყალობით) და ხვალ ფინალურ ბლოკში ოქროს მედლისთვის იჭიდავებს, სადაც მისი მეტოქე ირანელი ახმადი ბალუტაკისი იქნება.
82 კგ-ში ფინალში ჭიდაობის უფლება მოიპოვა გელა ბოლქვაძემ, რომელმაც ნახევარფინალში იაპონელი იოშიდა 8:5 დაამარცხა და ოქროსთვის იბრძოლებს.
რამდენიმე დღის წინ ზაგრებში თავისუფალი სტილით მოჭიდავეებიც გამოვიდნენ, რომლებმაც სამწუხაროდ მედლის მოპოვება ვერ შეძლეს.
