ასტონ ვილამ მიქაუტაძესთან პირადი კონტრაქტი შეათანხმა
„ასტონ ვილა“ გიორგი მიქაუტაძის შეძენასთან ახლოსაა. „ვილიარეალის“ გამოკვეთილი აქტიურობის შემდეგ, ქართველი ფორვარდის შეძენის სურვილი ბირმინგემელებმაც გამოთქვეს.
Le Parisien-ის ფრანგი ჟურნალისტის, მარკ მეშენუას ინფორმაციით, ბირმინგემელებმა მიქაუტაძესთან პირადი კონტრაქტის დეტალები უკვე შეათანხმეს და ახლა კლუბებს შორის მიმდინარეობს მოლაპარაკებები.
Aston Villa avance sur Georges Mikautadze ! Discussions en cours avec l’Olympique Lyonnais pour un transfert après une première offre autour des 25 M€. L’attaquant est déjà d’accord avec le club anglais. Les négociations vont se poursuivre. #Mercato
— Marc Mechenoua (@LeMechenoua) August 29, 2025
„ასტონ ვილამ“ „ლიონს“ თავდაპირველად 25 მილიონი ევრო შესთავაზა. ფრანგები კი, მინიმუმ 35 მილიონს ითხოვენ, თუმცა მხარეებს შორის პროგრესი აშკარაა.
მიქაუტაძე ბოლო დღეებში ევროპის რამდენიმე კლუბის სამიზნე გახდა – „ბრენტფორდი“, „ვილიარეალი“, „ბარნლი“ და ასევე საუდის არაბეთის ერთ-ერთი გუნდი, მაგრამ ახლა ბრძოლაში სწორედ „ასტონ ვილა“ ლიდერობს.
„ლიონი“ თავდამსხმელის გაშვებას თავიდან ერიდებოდა, განსაკუთრებით იმის ფონზე, რომ ალექსანდრ ლაკაზეტი თავისუფალი აგენტის სტატუსით „ნეომში“ გადავიდა. თუმცა კლუბს ფინანსური პრობლემების გამო სატრანსფერო ფანჯრის დახურვამდე 40 მილიონი ევროს შემოსავლის მიღება სჭირდება.
მალიკ ფოფანამ „ევერტონში“ გადასვლაზე უარი განაცხადა. ამჯერად კი „ლიონის“ ერთადერთი შანსი მიქაუტაძის სარფიანად გაყიდვაა.
