„ყალბი გვერდის ფალსიფიცირებული ინფორმაცია“ - ილიას მენეჯერმა ჭორები უარყო

ილია თოფურიას მენეჯერი ლუკაშ ორზელი უარყოფს ხმებს, თითქოს ქართველ მებრძოლს 15 ნოემბერს ნიუ-იორკში, UFC 322-ზე ჯასტინ გეიჯის წინააღმდეგ უნდა ეჩხუბა.

„ყველა ეს საუბრები თოფურიას ბრძოლაზე მედისონ სქვერ გარდენში სრული აბსურდია. ყალბმა გვერდმა გამოაქვეყნა ფალსიფიცირებული სურათი და მალევე წაშალა. თუმცა სხვა მედიებმა დაიწყეს მისი გამეორება. მათ წყაროები უნდა გადაამოწმონ. ილიას ამ ეტაპზე საერთოდ არ აქვს საბრძოლო შეთავაზება, ის არც ბანაკშია, უბრალოდ ფორმას ინარჩუნებს, როგორც ყოველთვის,“

– ციტირებს ორზელის სიტყვებს Red Corner MMA.

სოციალურ ქსელებში რამდენიმე დღის წინ გავრცელდა პოსტი, სადაც ორზელი გეიჯის „ძილისთვის მომზადებას“ ურჩევდა. თუმცა პოსტის ავთენტურობა არ დადასტურდა, რადგან ის მალევე წაიშალა.

ჯერჯერობით ყველაზე საინტერესო ინფორმაცია Eurosport-ის ჟურნალისტმა და UFC-ის ანალიტიკოსმა ალვარო კოლმენერომ გაავრცელა.

„ბევრმა თქვენგანმა მომწერა და მკითხეს, მართალია თუ არა, რომ ილია ნიუ-იორკში იბრძოლებს. რამდენადაც ვიცი, პასუხი უარყოფითია. იმედი მაქვს, რომ თოფურია იანვარში ან თებერვალში შეძლებს გამოსვლას“,

- დაწერა კოლმენერო სოციალურ ქსელებში.