არველაძეს მცველის ყიდვა უნდოდა | უთხრეს, რომ ტრავმა აქვს, არადა არაფერი სჭირს
შოთა არველაძის „ქასიმფაშა“ შემადგენლობის გასაძლიერებლად მუშაობს. ქართველი სპეციალისტის გუნდის ერთ-ერთ სამიზნედ „გენტის“ 19 წლის ცენტრალური მცველი, ჰუგო გამბორი მოიაზრებოდა და მოვლენები საკმაოდ უცნაურად განვითარდა.
ცნობილი სატრანსფერო ექსპერტის, საშა ტავოლიერის ინფორმაციით, „ქასიმფაშა“ გარიგების დახურვასთან ძალიან ახლოს იყო. სიტუაცია მას შემდეგ შეიცვალა, რაც შოთა არველაძემ ბელგიიდან მიიღო ცნობები, თითქოს გამბორს მუხლის ტრავმა ჰქონდა. ამ მიზეზით ქართველმა სპეციალისტმა მის გადაყვანაზე უარი განაცხადა.
❌???????? Hugo Gambor to Kasımpaşa SK: DEAL OFF! Kasimpasa manager Shota Arveladze received information from Belgium indicating that the player had a knee injury… and now, Arveladze doesn’t want Gambor anymore. Only catch: the CB isn’t injured!
— Sacha Tavolieri (@sachatavolieri) August 24, 2025
???? Something happened behind the… https://t.co/ocSzwJAlXC pic.twitter.com/yWVGAv5AaT
ბუნებრივად ჩნდება კითხვა: რა არის ამ ყველაფერში უცნაური? საქმე იმაშია, რომ ფეხბურთელი რეალურად ტრავმირებული არ არის. ტავოლიერის თქმით, კულისებში რაღაც მოხდა და სწორედ ამის გამო არ შედგა ტრანსფერი. ექსპერტი კონკრეტულ მიზეზს არ ასახელებს.
ცნობისთვის, არველაძის გუნდმა თურქეთის სუპერ ლიგა ორი წაგებით დაიწყო. პირველ ტურში „ქასიმფაშა“ „ანთალიასფორთან“ დამარცხდა, მეორე ტურში კი „ტრაბზონსპორთან“ წააგო - 0:1.
