„ყველაფრის მოგება მიზანი უნდა გახდეს“ - პსჟ-ს პრეზიდენტის მიმართვა
ნასერ ალ-ხელაიფიმ, ახალი სეზონის დაწყების წინ, „პარი სენ-ჟერმენის“ ფებურთელებს მიმართა.
კლუბის პრეზიდენტმა საწვრთნელი ბაზა მოინახულა და მოთამაშეების წინაშე სიტყვით გამოვიდა.
„ჩვენ გველოდებიან. ყველა გუნდი მოინდომებს მოგვიგოს, რადგან ევროპის ჩემპიონები ვართ. ყველაფრის მოგება ჩვენი მიზანი უნდა გახდეს“, - თქვა ალ-ხელაიფიმ.
თავის შეგირდებს მიმართა ასევე გუნდის მთავარმა მწვრთნელმა, ლუის ენრიკემ.
„ამ წელს ჩვენ კიდევ უფრო ძლიერები ვიქნებით და ეს მომდევნო კვირას დაიწყება“, - თქვა ეპანელმა სპეციალისტმა.
ახალი სეზონის პირველ მატჩს პარიზელები 13 აგვისტოს, სუპერთასისთვის „ტოტენჰემის“ წინააღმდეგ გამართავენ.
შეგახსენებთ, რომ გასულ სეზონში პსჟ-მ ნანატრი ჩემპიონთა ლიგა ისტორიაში პირველად მოიგო. აღსანიშნავია ისიც, რომ ამ ისტორიულ მოვლენაში ხვიჩა კვარაცხელიამ უდიდესი წვლილი შეიტანა და „ინტერის“ კარში გოლი გაიტანა.
