ალ-ჰილალი მზადაა, ისაკში 100-ზე მეტი მილიონი ევრო გადაიხადოს
„ალ-ჰილალი“ ალექსანდერ ისაკის ტრანსფერთან დაკავშირებით, სოლიდურ შეთავაზებას აპირებს.
როგორც AS-ი წერს, არაბული კლუბი მზად არის, რომ შვედი თავდამსხმელის სანაცვლოდ, 100-ზე მეტი მილიონი ევრო გადაიხადოს.
„ნიუკასლი“ ისაკთან განშორებას არ აპირებს, თუმცა „ალ-ჰილალი“ ფეხბურთელის გადაბირებას მაინც შეეცდება.
შეგახსენებთ, რომ 25 წლის ალექსანდერი „ნიუკალის“ ღირსებას 2022 წლის აგვისტოდან იცავს. გასულ სეზონში მან 42 მატჩი ჩაატარა, 27 გოლი გაიტანა და 6 ასისტი მიითვალა. Transfermark-ზე მისი საბაზრო ღირებულება 120 მილიონი ევროა.
