შენგელიას ფენომენალური მატჩი | თოკომ ფინალური სერია 29 ქულით და გამარჯვებით დაიწყო
იტალიის საკალათბურთო ჩემპიონატის პლეიოფის ფინალში, თორნიკე შენგელიას „ვირტუს ბოლონიას“ მეტოქე „ბრეშაა“. ქართველი კალათბურთელის გუნდმა პირველი შეხვედრა საკუთარ კედლებში გამართა და 90:87 იმარჯვა.
შენგელიამ „ვირტუს ბოლონიას“ წარმატებაში უდიდესი წვლილი შეიტანა. თოკომ პარკეტზე 29 წუთი გაატარა და მის ანგარიშზე 29 ქულა (21 პირველ ტაიმში, გაუთანაბრდა თავის საუკეთესო მაჩვენებელს სერია A-ში), 5 მოხსნა, 2 შედეგიანი გადაცემა და 3 ჩაჭრაა. შენგელიამ 14-დან 12 ორქულიანი ჩააგდო, 2 სამქულიანი გააფუჭა და 5-დან 5 საჯარიმო გამოიყენა.
Con 29 punti Shengelia eguaglia il suo career-high in #SerieA e regala alla @VirtusSegafredo la vittoria in Gara-1 delle #LBAFinals @UnipolCorporate contro la @GermaniBrescia ????
— Lega Basket Serie A (@LegaBasketA) June 12, 2025
In doppia cifra anche Morgan con 19 punti: agli ospiti non bastano i 16 di Bilan????#TuttoUnAltroSport pic.twitter.com/6m0iaopuHk
შენგელიას სარგებლიანობის კოეფიციენტი 37 გახლდათ, რაც ორივე გუნდის რიგებში საუკეთესო მაჩვენებელი იყო. თოკო საუკეთესო იყო ქულების მხრივაც და მის გარდა, 10-ქულიანი ნიშნული, „ვირტუს ბოლონიას“ რიგებში მხოლოდ მეტ მორგანმა გადალახა - 19 ქულა.
ცნობისთვის, ამ გუნდების მეორე შეხვედრა 14 ივნისს გაიმართება და „ვირტუს ბოლონია“ ისევ მასპინძლის რანგში იქნება. მატჩი თბილისის დროით, 22:30-ზე დაიწყება.
