ლაუტარო ქომაგებს: ბოდიში ყველას, რომ ოცნება ვერ აგიხდინეთ

ლაუტარო მარტინესმა გულშემატკივრებს ჩემპიონთა ლიგის ფინალში პსჟ-სთან დამარცხების შემდეგ მიმართა და ბოდიში მოუხადა.

31 მაისს, მიუნხენში, ჩემპიონთა ლიგის ფინალში „ინტერი“ პსჟ-სთან 0-5 განადგურდა.

„გამარჯობა, ძვირფასო ინტერის გულშემატკივრებო, მე ვწერ ამ შეტყობინებას რამდენიმე დღის შემდეგ, რადგან შაბათის მატჩის შემდეგ სევდა, იმედგაცრუება, სიმწარე იყო, არის და ჯერ კიდევ რთულია ემოციებთან გამკლავება.

ბოდიშს გიხდით ყველას, რომ ვერ მოგცეთ ის, რაზეც ყველა ვოცნებობდით. მინდა მადლობა გადავუხადო ყველა ქომაგს, ვინც მიუნხენში იყო, სან სიროზე და მთელ მსოფლიოში. თქვენ ყოველთვის უნიკალურები ხართ.

ფეხბურთში თასების მოგება უდავოდ მნიშვნელოვანია! მაგრამ ასევე ვფიქრობ, რომ ჩემპიონთა ლიგის ორი ფინალი ბოლო სამი წლის განმავლობაში დიდი მსხვერპლით ბევრს ნიშნავს. მაქსიმალურად ვეცადეთ, ეს ემოციები გაგვემეორებინა, ტიტულები მოგვეპოვებინა და დაუვიწყარი საღამოები გვქონოდა. მილანში ჩამოსვლის პირველი დღიდან მე და ყველა ჩემი თანაგუნდელი ვმუშაობდით იმისთვის, რომ ინტერის ისტორია შეგვექმნა და დავბრუნებულიყავით იქ, სადაც ეს გუნდი იმსახურებს.

არის დღეები, როცა ინტერის ქომაგობა ადვილია, არის დღეები, როცა საჭიროა და ხანდახან პატივია - დღეს ეს ყველა ჩვენგანის აუცილებლობაა. დღეს იმაზე მეტად ვამაყობ, ვიდრე ოდესმე, რომ ვატარებ ამ მაისურს და ვიქნები ამ გუნდის კაპიტანი. Forza Inter! ყოველთვის“.

- წერს „ნერაძურის“ ფორვარდი სოციალურ ქსელში.