ინძაგი ალ-ჰილალის მწვრთნელობას დათანხმდა
„ინტერის“ მთავარი მწვრთნელი, სიმონე ინძაგი მზადაა, რომ „ალ-ჰილალი“ ჩაიბაროს. ამის შესახებ საშა ტავოლიერი წერს.
ჟურნალისტის წყაროს ინფორმაციით, იტალიელ სპეციალისტს წელიწადში 25 მილიონ დოლარს სთავაზობენ და ის შეთავაზებას უკვე დათანხმდა.
როგორც მოსალოდნელია, მოლაპარაკებების ფინალური ეტაპი ჩემპიონთა ლიგის ფინალის შემდეგ გაიმართება - 31 მაისს, „ინტერი“ პსჟ-ს დაუპირისპირდება.
შეგახსენებთ, რომ ინძაგი მილანურ კლუბს 2021 წლიდან წვრთნის. მისი ხელმძღვანელობით, გუნდი იტალიის ჩემპიონი გახდა, ქვეყნის თასი 2-ჯერ, სუპერ თასი კი 3-ჯერ მოიგო.
გეტყვით ასევე, რომ „ალ-ჰილალმა“ მაისის დასაწყისში ჟორჟე ჟეზუში მთავარი მწვრთნელის პოსტიდან დაითხოვა.
