NBA-ის გასული ტურის მატჩების მიმოხილვა

გამთენიისას ამერიკის ეროვნულ საკალათბურთო ასოციაციაში შვიდი შეხვედრა გაიმართა.

„კლივლენდმა“ „დეტროიტს“ უმასპინძლა და 121:104 დაამარცხა.

„კავალიერსიდან“ გამორჩეული იყო ლებრონ ჯეიმსი, რომელმაც ორმაგი დუბლი გაიფორმა - 24 ქულა, 14 გადაცემა და 8 მოხსნა.

ასევე ორმაგი დუბლი შეასრულა კევინ ლავმაც - 20 ქულა, 11 მოხსნა.

„დეტროიტის“ მხრიდან 20-20 ქულით გამოირჩნენ ენტონი ტოლივერი და ტობიას ჰარისი. ორმაგი დუბლი ჰქონდა ანდრე დრამონდს - 17 ქულა, 11 მოხსნა.

ამ გამარჯვების შემდეგ, „კლივლენდი“ 29 მოგებითა და 19 მარცხით აღმოსავლეთ კონფერენციაში მე-3 პოზიციას იკავებს.

***

სანახაობრივი მატჩი შედგა ოკლაჰომაში, სადაც „თანდერმა“ „ფილადელფიას“ უმასპინძლა და 122:112 დაამარცხა.

სამმაგ დუბლამდე ერთი მოხსნა დააკლდა რასელ უესტბრუკს - 37 ქულა, 9 მოხსნა, 14 გადაცემა.

ბრწყინვალე იყო სტივენ ადამსი, რომელმაც ორმაგი დუბლი გაიფორმა - 20 ქულა, 13 მოხსნა.

მასპინძელთა შორის ასევე გამორჩეული იყო პოლ ჯორჯი, რომელმაც 31 ქულასთან ერთად, 4 მოხსნა, 4 გადაცემა და 4 ჩაჭრა ჩაიწერა აქტივში.

„სიქსერსის“ მხრიდან ორმაგი დუბლი გაიფორმა ჯოელ ემბიდმა - 27 ქულა, 10 მოხსნა.

„ოკლაჰომა“ 30 მოგებითა და 20 მარცხით დასავლეთ კონფერენციაში მე-5 პოზიციაზე იმყოფება.

***

ტურის სხვა მატჩები ასე დასრულდა:

ჩიკაგო - მილუოკი 96:110

ჰიუსტონი - ფინიქსი 113:102

ნიუ ორლეანი - კლიპერსი 103:112

ტორონტო - ლეიკერსი 123:111

სან ანტონიო - საკრამენტო 113:98