მოჭიდავეთა ევროპის ჩემპიონატი - ორი ბრინჯაოს მედალი დასკვნით დღეს
სლოვაკეთის დედაქალაქ ბრატისლავაში მოჭიდავეთა ევროპის ჩემპიონატის დასკვნით დღეს, საქართველოს ბერძნულ-რომაული სტილით მოჭიდავეთა ნაკრებმა ორი ბრინჯაოს მედალი მოიპოვა.
67 კგ. წონით კატეგორიაში ჯონი ხეცურიანმა რეპეშაჟის ფინალში თურქი მურატ ფირაქი 3:1 დაამარცხა და ბრინჯაოს მედალს დაესაკუთრა.
კიდევ ერთი ბრინჯაოს მედალი გელა ბოლქვაძის ანგარიშზეა. ქართველმა ფალავანმა გადამწყვეტ ბრძოლაში სომეხი სამველ გრიგორიანი ხეცურიანის მსგავსად 3:1 დაამარცხა და სამშობლოში მედლით ბრუნდება.
დღესვე, ბრინჯაოს მედლის მოპოვების შანსი 60 კგ წონით კატეგორიაში ამირან შავაძესაც ჰქონდა, თუმცა, რეპეშაჟის მოგების შემდეგ, ქართველმა მოჭიდავემ გადამწყვეტი ბრძოლა დათმო.
კომენტარები
იყავით პირველი, ვინც დაწერს კომენტარს