რაფაელი „ლიონში“ გადავიდა

„მანჩესტერ იუნაიტედის“ აწ უკვე ყოფილი ფეხბურთელი რაფაელ და სილვა კარიერას „ლიონში“ გააგრძელებს. აღნიშნული გარიგება ფრანგული კლუბის ოფიციალურმა ვებ-გვერდმა დაადასტურა.

25 წლის მარჯვენა მცველმა სამედიცინო შემოწმება წარმატებით გაიარა და ახალ კლუბთან 2019 წლამდე გააფორმა კონტრაქტი. არაოფიციალური ცნობის თანახმად, რაფაელის სანაცვლოდ მანჩესტერელებმა 2.1 მილიონი ფუნტი მიიღეს.

ბრაზილიელი მოთამაშე „იუნაიტედის“ ღირსებას 2008 წლიდან იცავდა და ამ დროის განმალობაში ჩატარებულ 169 მატჩში 5 გოლის გატანა მოახერხა. მან ინგლისური კლუბის რიგებში სამ-სამჯერ „პრემიერლიგა“ და ინგლისის სუპერთასი, ხოლო თითოჯერ ინგლისის ლიგის თასი და მსოფლიოს საკლუბო ჩემპიონატი მოიგო.