„ბედნიერი აშკარად არ არის და ცოტა ნერვიულობს“ - ნაპოლის ყოფილი კაპიტანი კვარაზე

ვეტერანმა იტალიელმა ფეხბურთელმა და „ნაპოლის“ ყოფილმა კაპიტანმა, ფრანჩესკო მონტერვინომ იტალიურ მედიასთან ხვიჩა კვარაცხელია შესახებ ისაუბრა და განაცხადა, რომ კონტრაქტის გახანგრძლივებასთან დაკავშირებული პროცესების გამო, ქართველი შემტევი ბედნიერი არ არის და ნერვიულობა ეტყობა.

რა ამბობს მონტერვინო:

„ყველა ნახავთ, როგორც კი „ნაპოლისთან“ კონტრაქტს გაახანგრძლივებს, ნაკლებად უკმაყოფილო იქნება, როდესაც შეცვლიან. არ ამბობ, რომ ხელშეკრულების განახლებით უკეთ ითამაშებს, უბრალოდ, ნაკლებად გაბრაზდება. ვფიქრობ და ალბათ ყველა ხედავთ, რომ ბედნიერი არ არის. ამ თემაზე იმდენს ვსაუბრობთ, რომ აშკარად ნერვიულობს. იმედია, მოლაპარაკებების დასრულების შემდეგ ხასიათი გამოუსწორდება“.

ცნობისთვის, ხვიჩა კვარაცხელიამ სერია A-ს გასულ ტურში, „მონცას“ წინააღმდეგ ითამაშა და თავი გოლით გამოიჩინა. ქართველი შემტევი ანტონიო კონტემ 75-ე წუთზე შეცვალა, იტალიური მედიის მტკიცებით კი მოედნიდან გასვლის დროს, ხვიჩა კვარაცხელია თანაგუნდელებს გაუბრაზდა.

როგორც პრესაში იწერება, ხვიჩა კვარაცხელიას გარემოცვა და „ნაპოლის“ წარმომადგენლები კონტრაქტის განახლებაზე მოლაპარაკებებს ამ დრომდე აწარმოებენ, თუმცა, შეთანხმებას კვლავ ვერ აღწევენ.

ამ დროისთვის, ქართველმა შემტევმა „ნაპოლის“ მაისურით სერია A-ში 6 მატჩი ჩაატარა, 3 გოლი გაიტანა და 2 საგოლე გადაცემა შეასრულა. მისი გუნდი, 13 ქულით სატურნირო ცხრილში პირველ ადგილზე იმყოფება.