კვარა არ ათამაშეს - პსჟ-მ სლოვანი გაანადგურა

ჩემპიონთა ლიგის ფაზის პირველ ტურში პარი სენ ჟერმენმა სლოვანს უმასპინძლა და 6:1 გაანადგურა.

სამწუხაროდ, ლუის ენრიკემ ხვიჩა კვარაცხელია ძირითად შემადგენლობაში არ დააყენა და მეტიც, ქართველ ფეხბურთელს მოედანზე გასვლის საშუალება არ მისცა.

სლოვანის რბევა მე-17 წუთზე დემბელემ დაიწყო. ოქროს ბურთის მოქმედმა გამარჯვებულმა 23-ე წუთზე დუბლი შეასრულა, ხოლო 31-ე წუთზე ფერან ტორესმა პირველი ტაიმის შედეგი 3:0 დააფიქსირა.

მეორე ტაიმი პსჟ-მ კვლავ აქტიურად დაიწყო და 47-ე წუთზე ფერანმა დუბლი შეასრულა. გოლიდან 1 წუთში კამარამ ერთი ბურთი გაქვითა. 57-ე წუთზე კი ფერანმა ჰეთ-თრიკი მიითვალა. სლოვანის განადგურება 87-ე წუთზე ფაბიან რუისმა დაასრულა.

შეგახსენებთ, რომ ხვიჩა კვარაცხელია ოქროს ბურთის მოგების ერთ-ერთი მთავარი კანდიდატია. პსჟ-მ კი ჩემპიონთა ლიგა დამაჯერებელი გამარჯვებით დაიწყო, რასაც ვერ ვიტყვით საფრანგეთის ლიგა 1-ზე, სადაც ენრიკეს გუნდმა სამი მატჩიდან ორი ფრედ დაასრულა, ერთი კი წააგო.

ჩემპიონთა ლიგის ფაზის მეორე ტურში პარი სენ ჟერმენი მანჩესტერ სიტის ესტუმრება. აღნიშნული დაპირისპირება 14 ოქტომბრით თარიღდება.