„ეს პატარა ვირთხა ბრძოლას არ ჩაეხსნას“ | მერაბის ჭრილობა და ომალის რეაქცია
UFC-ის ქართველმა მებრძოლმა, მერაბ დვალიშვილმა შონ ომალისთან ჩხუბისთვის მოსამზადებელი ერთ-ერთი ვარჯიშისას, ჭრილობა მიიღო. „მანქანამ“ დაზიანების ამსახველი ვიდეო სოციალურ ქსელებში გაავრცელა და მის პოსტს სუპერ მსუბუქი წონითი დივიზიონის ჩემპიონი გამოეხმაურა.
View this post on Instagram
ომალიმ, რომელთანაც მერაბი ტიტულისთვის თბილისის დროით, 15 სექტემბერს იჩხუბებს, დაწერა: „ამ პატარა ვირთხას ურჩევნია ბრძოლას არ ჩაეხსნას, თორემ ღმერთს ვფიცავ...“
დვალიშვილმა „შუგას“ მალევე უპასუხა. მერაბმა ჩემპიონი დაამშვიდა და უთხრა, რომ ოქტაგონზე გასვლაზე უარის თქმას არ აპირებს: „დამშვიდდი. ყველაფერი კარგადაა. უბრალოდ ვარჯიშისას მიღებული პატარა ტრავმაა. ჩხუბს არასდროს ჩავხსნილვარ და არასდროს ჩავეხსნები. ომალი, შენთვის მოვდივარ და უფრო ძლიერი ვარ, ვიდრე ოდესმე ვყოფილვარ“.
— Merab “The Machine” Dvalishvili (@MerabDvalishvil) August 21, 2024
შეგახსენებთ, რომ დვალიშვილისა და ომალის ჩხუბი ლას-ვეგასში მდებარე „სფეროში“ ჩანიშნული UFC 306-ის მთავარი მოვლენაა. „შუგას“ 2020 წლის შემდეგ არ წაუგია, მერაბი კი ბოლოს 2018 წელს დამარცხდა.
კომენტარები
იყავით პირველი, ვინც დაწერს კომენტარს