ნაპოლი კიდევ ერთ შემტევს იმატებს | მის სანაცვლოდ 18 მილიონ ევროს იხდიან
ხვიჩა კვარაცხელიას „ნაპოლი“ შემადგენლობის გაძლიერებაზე ზრუნვას განაგრძობს. იტალიელი ჟურნალისტების ინფორმაციით, „პარტენოპეი“ „ვერონასთან“ შეთანხმების მიღწევასთან ერთ ნაბიჯშია და სირილ ნგონგეს იმატებს.
ნიკოლო შირასა და ჯანლუკა დი მარციოს ინფორმაციით, „ნაპოლი“ ნგონგეს სანაცვლოდ 18 მილიონ ევროს გადაიხდის, რასაც ბონუსები დაემატება. იგი კლუბთან 2028 წლის ზაფხულამდე გათვლილ ხელშეკრულებას გააფორმებს და მისი ანაზღაურება ყოველწლიურად 1.2 მილიონი ევრო იქნება.
???????? Napoli have agreed on terms with Hellas Verona for Belgian forward Cyril Ngonge.
— Fabrizio Romano (@FabrizioRomano) January 16, 2024
Understand fee is €18m fixed plus add-ons. Negotiations ongoing on player side and more details.
???????? Meanwhile, Hamed Traoré completes medical today as he joins on loan from Bournemouth. pic.twitter.com/6XNU2TyvsT
ნგონგე ამპლუით მარჯვენა გარემარბია და ცენტრფორვარდად და მეორე თავდამსხმელად თამაში შეუძლია. სერია A-ს მიმდინარე სეზონში, მან მონაწილეობა 19 შეხვედრაში მიიღო და მის ანგარიშზე 6 გოლი და 2 შედეგიანი გადაცემაა. „ვერონას“ გარდა, მას „გრონინგენში, „ვალვაიკსა“ და „ბრიუგეში“ უთამაშია.
ცნობისთვის, ნგონგე მეორე შემტევია, რომელსაც „პარტენოპეი“ დაიმატებს. უახლოეს პერიოდში „ნაპოლი“ ჰამედ ტრაორეს ტრანსფერს გააოფიციალურებს.