მარსელომ "ჟირონასთან" მატჩში კარიერის ანტირეკორდი დააფიქსირა

ლა ლიგის მე-10 ტურში "ჟირონასთან" (1-2) დამარცხების შემდეგ, "რეალის" ფეხბურთელთა სტატისტიკური მონაცემები გამოქვეყნდა.

მადრიდელთა ბრაზილიელმა განაპირა მცველმა მარსელომ, კარიერაში ერთ-ერთი ყველაზე ცუდი მატჩი ჩაატარა.

"ბლანკოსის" ვიცეკაპიტანმა შეხვედრაში 7 არაზუსტი გადაცემა გააკეთა, ბურთი კი 16-ჯერ დაკარგა. საბოლოოდ, ზიდანმა მას მოედანი 66-ე წუთზე დაატოვებინა.

როგორც წესი, მარსელოს მატჩში ბურთს მაქსიმუმ 4-5 ჯერ კარგავს. მისი პასების სიზუსტე კი 75%-ს უტოლდება. "ჟირონასთან" დაპირისპირების დროს, მისი პროცენტული მაჩვენებელი რეკორდულად დაბალი იყო.

თუ, ბრაზილიელმა ასე გააგრძელა, არ არის გამორიცხული, რომ ძირითადში ადგილიც დაკარგოს. "რეალს" სათადარიგოთა სკამზე ძალიან მოტივირებული 20 წლის ტეო ერნანდესი ჰყავს.