დორტმუნდი დაინტერესებულია | სანჩო მანჩესტერის დატოვებასთან ახლოსაა
„მანჩესტერ იუნაიტედის“ ფეხბურთელი, ჯეიდონ სანჩო „ოლდ ტრაფორდის“ დატოვებასთან ძალიან ახლოსაა. ინგლისელ შემტევს გუნდის მთავარ მწვრთნელთან, ერიკ ტენ ჰაგთან კონფლიქტი აქვს და დიდი შანსია, ზამთარში ადგილსამყოფელი გამოიცვალოს.
ცნობილი ჟურნალისტის, ფლორიან პლეტენბერგის ინფორმაციით, სანჩოს საკუთარ რიგებში ხილვით „დორტმუნდია“ დაინტერესებული. „შავ-ყვითლების“ თავკაცს, ედინ ტერზიჩს ჯეიდონთან სისტემატური კონტაქტი აქვს და ისინი ერთმანეთს ძალიან აფასებენ.
❗️Jadon #Sancho is on the verge to leave ManUtd in winter! #MUFC
— Florian Plettenberg (@Plettigoal) October 3, 2023
➡️ A loan is more likely than a permanent deal at this stage
➡️ #BVB coach Edin #Terzic is in regular contact with Sancho as they appreciate each other very much.
Nevertheless, a return to Dortmund in the… pic.twitter.com/ERtmQkgRGc
პლეტენბერგის მიხედვით, ნაკლებად სავარაუდოა, „დორტმუნდმა“ სანჩო გაიფორმოს, მაგრამ გარიგება გამორიცხული არაა. ამ ეტაპზე, ჯეიდონის გამოსყიდვის ალბათობა დაბალია და სავარაუდოდ, მისი მსურველი კლუბი მას იჯარის წესით დაიმატებს. პლეტენბერგის ცნობით, სანჩო რეგულარული სათამაშო დროის მიღებაზეა ორიენტირებული.
შეგახსენებთ, რომ ყველაფერი „არსენალთან“ მატჩის შემდეგ დაიწყო, როდესაც ტენ ჰაგს ჰკითხეს, თუ რატომ არ ათამაშა სანჩო. ნიდერლანდელმა სპეციალისტმა განაცხადა, რომ 23 წლის ფეხბურთელმა „მანჩესტერ იუნაიტედში“ ასპარეზობისთვის სათანადო დონე უნდა აჩვენოს, რასაც სანჩოს პოსტი და ვითარების არევა მოჰყვა.
