რეიტინგის მეოთხე ნომრის წინააღმდეგ | დოლიძის ახალი მეტოქე ცნობილია
Aa Aa
23 სექტემბერი 2023  |  05:34

რეიტინგის მეოთხე ნომრის წინააღმდეგ | დოლიძის ახალი მეტოქე ცნობილია

UFC-ის ქართველი მებრძოლი, რომან დოლიძე ოქტაგონზე დეკემბრის დასაწყისში დაბრუნდება. „კავკასიელს“ დერეკ ბრანსონის წინააღმდეგ უნდა ეჩხუბა, მაგრამ მასთან ბრძოლა ჩაიშალა და რომანს ახალი, გაცილებით მაღალი დონის მეტოქე ჰყავს.

ESPN-ის ჟურნალისტის, მარკ რეიმონდის ინფორმაციით, დოლიძე საშუალო წონითი დივიზიონის ტოპ 15-ში მე-4 ადგილზე მყოფი ჯარედ კანონიერის წინააღმდეგ იჩხუბებს. მხარეებს შორის სიტყვიერი შეთანხმება მიღწეულია და ბრძოლა 2 დეკემბერსაა ჩანიშნული. ჯერჯერობით უცნობია მათი ჩხუბი რომელ ქალაქში გაიმართება, მაგრამ მოსალოდნელია, რომ ღონისძიების მთავარი მოვლენა არ იქნება.

კანონიერს კარიერაში 23 ბრძოლა აქვს გამართული და მის ანგარიშზე 17 მოგება და 6 მარცხია. 2022 წლის ივლისში, იგი ისრაელ ადესანიას დაუპირისპირდა და საჩემპიონო ბრძოლა მსაჯების ერთსულოვანი გადაწყვეტილებით დათმო. მას შემდეგ, შონ სტრიკლენდი და მარვინ ვეტორი დაამარცხა. სტრიკლენდი ახალი ჩემპიონია, ვეტორი კი ბოლო მეტოქე, რომელმაც რომანს მოუგო. ასე რომ, „კავკასიელს“ ურთულესი დაპირისპირება ელოდება.

ცნობისთვის, განახლებულ ტოპ 15-ში, დოლიძე მე-7 პოზიციაზეა და გამარჯვების შემთხვევაში, ქამრისკენ მიმავალ გზაზე უმნიშვნელოვანეს ნაბიჯს გადადგამს. „კავკასიელმა“ სოციალურ ქსელებში თავადაც დაადასტურა, რომ ბრანსონის შემცვლელი იპოვა და ბრძოლა ჩაენიშნა.

მსგავსი სიახლეები

ასევე დაგაინტერესებთ
3 მიზეზი - რატომ ვეღარ ბრწყინავს კვარა
3 მიზეზი - რატომ ვეღარ ბრწყინავს კვარა