მსოფლიო ჩემპიონატი - წურწუმიამ ვერცხლის მედალი მოიპოვა

ბელგრადში მიმდინარე ჭიდაობის მსოფლიო ჩემპიონატზე ნუგზარ წურწუმიამ ვერცხლის მედალი მოიპოვა.

ბერძნულ რომაული სტილით მოჭიდავეთა 55 კილოგრამ წონით კატეგორიის ფინალში ქართველმა ფალავანმა აზერბაიჯანელ ელდანიზ აზიზთან ანგარიშით 13:4 წააგო.

ფინალამდე წურწუმიამ სამ მეტოქეს ალჟირელ მოჰამედ იაჩინ დრიდს, მოლდოველ არტიომ დელენუსა და უზბეკ იასურბეკ ორტიკბოევს აჯობა.

მსოფლიო ჩემპიონატი ჩვენთვის ხვალ გაგრძელდება და საქართველოს სახელით ლერი აბულაძე, ჯონი ხეცურიანი და ლაშა გობაძე იასპარეზებენ.