მსოფლიო ჩემპიონატი: საქართველო ავსტრალიასთან 16 ქულით დამარცხდა
საქართველოს კალათბურთელთა ნაკრებმა მსოფლიო ჩემპიონატზე მეორე ჯგუფური ეტაპის ბოლო შეხვედრაში ავსტრალიის წინააღმდეგ მორიგი მარცხი განიცადა - 84:100
ილიას ზუროსის გუნდმა პირველი ორი მეოთხედი ჯამში 17 ქულით წააგო და ავსტრალიას დიდ შესვენებაზე კომფორტული ფორით გასვლის საშუალება მისცა.
Yeah, don't know how you did that either Matisse ????♂️ #FIBAWC x #WinForAustralia ???????? pic.twitter.com/x6oXoieQ2s
— FIBA Basketball World Cup 2023 ???? (@FIBAWC) September 3, 2023
თორნიკე შენგელიასა და და დუდა სანაძის გარეშე მოთამაშე საქართველომ კიდევ უფრო არეულად და არადამაჯერებლად ითამაშა და ლოგიკური მარცხიხ იწვნია.
მესამე მეოთხედში ბიჭებმა სხვაობა ცოტათი დაქაჩეს და 30:25 მოიგეს.
Beware of Georgia ball movement! #FIBAWC x #WinForGeorgia ???????? pic.twitter.com/7HUaUW5rja
— FIBA Basketball World Cup 2023 ???? (@FIBAWC) September 3, 2023
დასკვნით მეოთხედში ავსტრალიელებმა 21:17 მოიგეს და ჯამში 100:84 გაიმარჯვეს.
მიმდინარე მსოფლიო ჩემპიონატზე პირველად მოხდა, რომ ჩვენი ნაკრების რიგებში 5-მა მოთამაშემ 10+ ქულა მოაგროვა - ბითაძეს 20 ქულა ჰქონდა, მაკფადენს 18 ქულა და 9 გადაცემა, შერმადინს 16 ქულა, ანდრონიკაშვილსა და მამუკელაშვილს 12-12.
ავსტრალიას 19 ქულით პატი მილსმა ულიდერა. ასევე მეტოქემაც გუნდური კალათბურთი ითამაშა და ხუთმა მოთამაშემ 10+ ქულა მოაგროვა.
ამ მარცხით საქართველომ ჯგუფში ბოლო ადგილი დაიკავა, ავსტრალიამ მე-3.
