ორი დიდი სენსაცია L ჯგუფში | ბრაზილიამ კანადას მოუგო, ლატვიამ - ესპანეთს

მსოფლიოს საკალათბურთო ჩემპიონატის L ჯგუფში ვითარება უკიდურესად დაიძაბა. მოქმედი მსოფლიო ჩემპიონი, ესპანეთი ლატვიასთან დამარცხდა, ხოლო ერთ-ერთი გამოკვეთილი ფავორიტი, კანადა ბრაზილიას ვერ გაუმკლავდა.

ესპანეთი საწყისი 3 მეოთხედის განმავლობაში შესანიშნავად გამოიყურებოდა და გადამწყვეტ პერიოდს 11-ქულიანი უპირატესობით შეხვდა, თუმცა, სასურველი შედეგი მაინც ვერ დააფიქსირა. ლატვიამ მეოთხე პერიოდი ფენომენალურად ჩაატარა, 27:11 მოიგო და 74:69 იმარჯვა.

LATVIA BRING DOWN THE REIGNING WORLD CHAMPS ????#FIBAWC x #WinForLatvia ???????? pic.twitter.com/NsA4ygZqYt

— FIBA Basketball World Cup 2023 ???? (@FIBAWC) September 1, 2023

ესპანეთის მსგავს მდგომარეობაში აღმოჩნდა კანადა. ჩრდილოეთ ამერიკელები 3 მეოთხედის შემდეგ, 7 ქულით იგებდნენ, მაგრამ ბოლო პერიოდი მათაც ჩააგდეს. ბრაზილიამ საოცარი მებრძოლი სული გამოავლინა, უდიდესი სენსაცია გამოაცხო და 69:65 იმარჯვა, რის შემდეგაც, L ჯგუფში ყველაფერი აირია.

One of the all-time great FIBA Basketball World Cup upsets as Brazil stuns Canada 69-65 in Jakarta! ????????#FIBAWC x #WinForBrasil pic.twitter.com/5o3RNdPV5L

— FIBA Basketball World Cup 2023 ???? (@FIBAWC) September 1, 2023

4 შეხვედრის შემდეგ, ოთხივე გუნდს 3 მოგება და 1 წაგება აქვს. ბოლო ტურში, კანადა ესპანეთს დაუპირისპირდება, ბრაზილია - ლატვიას. მომდევნო ეტაპზე გავლენ გუნდები, რომლებიც გადამწყვეტ შეხვედრაში გაიმარჯვებენ, რაც ნიშნავს, რომ ოქროს მედლისთვის ბრძოლას ან ესპანეთი გამოეთიშება ან კანადა.