კონტრაქტის გაწყვეტა უნდა | შენგელია პანათინაიკოსში მიდის
საქართველოს საკალათბურთო ნაკრების კაპიტნის, თორნიკე შენგელიას „პანათინაიკოსში“ გადასვლის შანსები იზრდება. „ვირტუს ბოლონიას“ მძიმე ფორვარდის შესახებ ახალი ინფორმაცია გავრცელდა და შესაძლო ტრანსფერის დეტალების შესახებ დაიწერა.
ბერძენი ჟურნალისტის, გეორგე ზაკასის მიხედვით, შენგელიამ „პანათინაიკოსს“ შეატყობინა, რომ „ვირტუს ბოლონიასთან“ მოლაპარაკებებს თავად გამართავს. „მწვანეებს“ თოკოს გამოსასყიდი თანხის გადახდა არ მოუწევთ და შენგელია ეცდება, „ვირტუს ბოლონიასთან“ კონტრაქტი გაწყვიტოს, შემდეგ კი „პანათინაიკოსს“ შეუერთდეს.
Tornike Shengelia really wants to play for Panathinaikos BC. As "Magic Euroleague" mentioned, Toko informed the Greens that he will handle the negotations with Virtus Bologna on his own. #paobc
— George Zakkas (@ZakkasGeorge) July 20, 2023
Panathinaikos will not pay a buy out to the Italian team and the experienced PF is… https://t.co/KVpvUA5HuT
შეგახსენებთ, რომ შენგელიას იტალიურ კლუბთან ხელშეკრულება 2024 წლის 30 ივნისამდე აკავშირებს. კონტრაქტის გაწყვეტის შემთხვევაში, „ვირტუს ბოლონიასთვის“ კომპენსაციის გადახდა იქნება საჭირო, მაგრამ შენგელიას იმედი აქვს, რომ კლუბისგან თანხმობას მიიღებს და თანამშრომლობის დასრულება ურთიერთშეთანხმებით მოხდება.
გეტყვით იმასაც, რომ გასულ სეზონში, შენგელია „ვირტუს ბოლონიას“ მაისურით საშუალოდ 12.1 ქულას, 6.1 მოხსნასა და 3 შედეგიან გადაცემას აგროვებდა.
