ჯიმი ბატლერი, ჯეისონ ტეიტუმი, ჯეილენ ბრაუნი, გეიბ ვინსენტი, კეილებ მარტინი, დანკან რობინსონი
Aa
Aa

მაიამის დომინაცია | ბოსტონი ურთულეს მდგომარეობაშია

NBA-ის აღმოსავლეთ კონფერენციის ფინალურ სერიაში, „მაიამი ჰიტმა“ ზედიზედ მესამე შეხვედრა მოიგო. სტუმრად მოპოვებული 2 გამარჯვების შემდეგ, ფლორიდელებმა საკუთარ კედლებში ითამაშეს და ჩემპიონობის ერთ-ერთი ფავორიტი, „ბოსტონ სელტიქსი“ 128:102 გაანადგურეს.

„მაიამი“ მთელი მატჩის განმავლობაში ბრწყინვალე იყო და პირველი მეოთხედი 8 ქულით, მეორე მეოთხედი 7 ქულით, ხოლო მესამე მეოთხედი 15 ქულით მოიგო. „ბოსტონმა“ ბოლო პერიოდში 39 ქულა ჩააგდო, თუმცა ეს მაშინ მოხდა, როცა ყველაფერი უკვე გადაწყვეტილი იყო და „მაიამი“ 3:0 დაწინაურდა.

„ჰიტის“ რიგებში საუკეთესო გეიბ ვინსენტი იყო, რომელმაც 29 ქულა და 3 შედეგიანი გადაცემა მიითვალა. დანკან რობინსონს 22 ქულა და 4 ასისტი ჰქონდა. ჯიმი ბატლერმა 16 ქულა ჩააგდო, კეილებ მარტინის ანგარიშზე კი 18 ქულა, 3 მოხსნა და 5 ასისტი იყო. „ბოსტონის“ მხრიდან 14 ქულაზე მეტი არავის დაუგროვებია. ჯეისონ ტეიტუმმა ორმაგი დუბლი გაიფორმა - 14 ქულა, 10 მოხსნა. ჯეილენ ბრაუნსა და გრანტ უილიამსს 12-12 ქულა ჰქონდათ, პეიტონ პრიჩარდმა კი 12 ქულა და 5 ასისტი მიითვალა.

„მაიამი“ სუპერფინალური საგზურის მოპოვებასთან ერთ ნაბიჯშია. ამ გუნდების მომდევნო შეხვედრა 24 მაისს, ფლორიდაში გაიმართება და გამარჯვების შემთხვევაში, „ჰიტი“ სერიას დახურავს.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    ისტორიული გამარჯვება - ნაპოლიმ ინტერი დაამარცხა
    ისტორიული გამარჯვება - ნაპოლიმ ინტერი დაამარცხა