„შეცდომის გამოსყიდვა სურს“ - კვარა იუვენტუსისთვის ემზადება

„მილანთან“ დამარცხებისა და ჩემპიონთა ლიგიდან გამოვარდნის შემდეგ, „ნაპოლისა“ და ხვიჩა კვარაცხელიას შესახებ ბევრი დაიწერა და ბევრი მოსაზრება გამოითქვა. ევროპული და იტალიური მედია ნეაპოლელთა მოვლენებს აქტიურად აშუქებს.

ამჯერად Corriere del Mezzogiorno კვირას „იუვენტუსი“ „ნაპოლის“ მატჩის შესახებ წერს და აღნიშნავს, რომ კვარას „მილანთან“ თავისი შეცდომის გამოსყიდვა/გამოსწორება სურს და ტურინელთა წინააღმდეგ დიდი მონდომებით ემზადება.

„სეზონის დასრულებამდე 8 მატჩით ადრე, კვარაცხელიას შეუძლია 14 გოლით, 14 საგოლე გადაცემითა და 2 მოპოვებული პენალტით იამაყოს. ეს შედეგი მშვენიერია იმის ფონზე, რომ ხვიჩა ნეაპოლში 10,5 მილიონი ევროს სანაცვლოდ მოიყვანეს.

იუვენტუსთან შინ გამართულ შეხვედრაში კვარაცხელიამ 1 გოლი და 2 საგოლე გადაცემა შეასრულა. კვარა სურს, რომ ეს ისტორია განმეორდეს და მილანთან უსიამოვნო საღამოებიდან დარჩენილი ნარჩენები წაიშალოს. მას სურს შეცდომა გამოისყიდოს.

მილანთან შეხვედრაში ნეაპოლელთა შეტევების უმეტესობა მარცხენა ფრთიდან ვითარდებოდა. კვარა წარმოადგენდა გუნდის თამაშის მთავარ წყაროს. მას გაჰქონდა გოლები, იგებდა ორთაბრძოლების 56%-ს. მილანთან კი რიგ მომენტებში ორმაგ და სამმაგ დაცვასაც არღვევდა.

გამოუყენებელი შანსები, რომლებსაც ისტორიის შეცვლა შეეძლოთ, მძიმედ იწონის: სან სიროზე პირველ წუთზე გამოუყენებელი მომენტი, მენიოს მოგერიებული პენალტი, ასევე რამდენიმე შესანიშნავი მომენტი მარადონაზე, რომელმაც შედეგი ვერ მოიტანა. ეს იყო სანტიმეტრების საკითხი, წინააღმდეგ შემთხვევაში ჩვენ დღეს სხვა ამბავზე ვისაუბრებდით“.

- წერს იტალიური გამოცემა.

შეგახსენებთ, რომ „იუვენტუსი“ „ნაპოლის“ მატჩი კვირას 22:45 საათზე გაიმართება.