YNWA ბერნაბეუზე - რეალის ღირსეული საქციელი
მადრიდის „რეალმა“ „ლივერპულს“ განმეორებითი მატჩიც მოუგო(1:0) და მეოთხედფინალში გავიდა. ერთადერთი გოლი კარიმ ბენზემამ გაიტანა. შეხვედრის დასრულების შემდეგ, ყველასთვის მოულოდნელად სანტიაგო ბერნაბეუს სახელობის სტადიონზე მერსისაიდული გრანდის ჰიმნი ჩაირთო.
ამ ფაქტმა მთელი მსოფლიო მოიცვა და „სამეფო კლუბს“ უამრავი ადამიანი აქებს. შეგახსენებთ, რომ „ენფილდზე“ გამართული შეხვედრის წინ, „რეალის“ ლეგენდა ამანსიო ამარო გარდაიცვალა და „ლივერპულის“ ქომაგებმა მას პატივი მიაგეს.
დღეს კი, „ბლანკოსმა“ იურგენ კლოპის შეგირდები წაგების ფონზე ასეთი ჟესტით გაამხნევა, რაც ნამდვილად დასაფასებელია.
