“დიდება საქართველოს, დიდება უკრაინას“ - დვალიშვილი იანის დამარცხების შემდეგ

ლას ვეგასში UFC Fight Night ღონისძიება გაიმართა. ქართველი გულშემატკივრები ამ დღეს დიდ ხანს ელოდნენ, რადგან Main Card-ზე მონაწილეობას მერაბ დვალიშვილი იღებდა. ქართველი მებრძოლი პიოტრ იანს დაუპირისპირდა და მძიმე ბრძოლაში დაამარცხა.

ბრძოლის დასრულების შემდეგ, მერაბმა კომენტარი გააკეთა

დვალიშვილი:

„ახლა ძალიან ამაყი ვარ. დიდი მადლობა ქართველს გულშემატკივრებს, რომლებიც აქ იყვნენ და რომლებმაც სახლიდან მიყურეს. ჩვენ მხოლოდ 5 მილიონი ვართ, მაგრამ ძლიერები ვართ. ბედნიერი ვარ, რომ ერთ-ერთი მათგანი ვარ და ჩემს ქვეყანას წარმოვადგენ. ეს ბრძოლა ჩემთვის პირადული იყო და გამარჯვებას მთელი ძალით ვცდილობდი. ყველაფერს პროფესიონალურად მივუდექი.

მე პიოტრს მგელი დავანახე მან კი ნული მიწოდა. ვინ არის ახლა ნული? ვინ არის ახლა ნული? ვისაც უნდა მეჩხუბოს!! მე მშიერი ვარ!! აქ გიგა ჭიკაძე იმყოფება, რომელიც მამხნევებდა. „სლავა უკრაინი, დიდება საქართველოს, დიდება უკრაინას“. დიდება მშვიდობას! მშვიდობა ყველას გვჭირდება. გთხოვთ შეწყვიტეთ ომი!!. საქართველო მიყვარხართ, მადლობა ყველას“