ოფიციალურად - ხვიჩა კვარაცხელია თვის საუკეთესო ფეხბურთელია
გუშინ, გაუწყეთ, რომ რამდენიმე უცხოური გამოცემის მიხედვით, ხვიჩა კვარაცხელია სერია A-ს თვის საუკეთესო ფეხბურთელად დასახელდა. ახლახან, ეს ოფიციალურად დადასტურდა და სერია A-ს „ტვიტერის“ გვერდმა „კვარას“ წარმატების შესახებ გვაუწყა.
⚽ 3 goal
— Lega Serie A (@SerieA) March 10, 2023
???? 1 assist
Un altro mese da ricordare per l’@EASPORTSFIFA #POTM di Febbraio, Khvicha Kvaratskhelia ????#FIFA23 @EA_FIFA_Italia pic.twitter.com/WEN8plEnbr
ამ პრიზის მოპოვების შემდეგ, ცნობილ ვიდეოთამაშში, FIFA 23-ში კვარაცხელიას სპეციალური ქარდი გამოჩნდება. ხვიჩას საერთო რეიტინგი 86-ია. სისწრაფეში 90 დაუწერეს, დარტყმაში - 80, დრიბლინგში - 88, ფიზიკურობაში - 78, პასებში - 83, ხოლო დაცვაში - 50. იგი თვის საუკეთესო ფეხბურთელის ჯილდოს „ატალანტასთან“ გასამართი მატჩის წინ მიიღებს.
შეგახსენებთ, რომ თებერვალში, „ნაპოლიმ“ სერია A-ში 4 მატჩი გამართა და ოთხივე მოიგო. კვარაცხელიამ 3 გოლი და 1 საგოლე გადაცემა მიითვალა. მან „სპეციას“, „კრემონეზესა“ და „სასუოლოს“ კარი დალაშქრა, ასისტი კი „სპეციასთან“ გააკეთა.
გეტყვით იმასაც, რომ ქართველი ფეხბურთელის გუნდს 65 ქულა აქვს და სატურნირო ცხრილის ლიდერია. „პარტენოპეის“ მომდევნო გაჩერება „ატალანტაა“, რომელსაც საკუთარ კედლებში მიიღებს.
