მატჩი ნაადრევად დაასრულა - ბასილაშვილი დუბაიში ვერ ითამაშებს

რეიტინგში დაქვეითების გამო ნიკოლოზ ბასილაშვილს სხვადასხვა ტურნირებზე გასასვლელად კვალიფიკაციის გავლა უწევს.

დუბაის 500-ქულიანი კატეგორიის ტურნირის საკვალიფიკაციო ეტაპის ნახევარფინალში ქართველი ჩოგბურთელი კუენტინ ჰალისს დაუპირისპირდა და სამწუხაროდ შემდეგ ეტაპზე ვერ გავიდა.

ბასილაშვილმა პირველი სეტი მოიგო, მაგრამ მეორეში დამარცხდა. „დისაიდერში“ კი ნიკოლოზი 0:3-ს აგებდა, ტკივილები იგრძნო და შეხვედრა ნაადრევად დაასრულა.

შეგახსენებთ, რომ ბასილაშვილი ახლა ATP რეიტინგში 113-ე ადგილს იკავებს. უკანასკნელად კი მან დოჰას ღია პირველობაზე იასპარეზა, სადაც პირველივე წრეში ალექსანდრ მიულერთან სამ სეტში 6:7 7:6 4:6 დამარცხდა.