„ფინალის ტოლფასი თამაში იქნება“ - კალათბურთელები ნიდერლანდებთან მატჩზე
დღეს, საქართველოს კალათბურთელთა ნაკრები მსოფლიო ჩემპიონატის საკვალიფიკაციო ეტაპზე მორიგ შეხვედრას გამართავს.
ილიას ზუროსის გუნდი ამსტერდამში, Topsportcentrum Almere Arena-ზე ნიდერლანდების ნაკრებს დაუპირისპირდება.
ჩვენი გუნდის მთავარმა მწვრთნელმა კალათბურთელები გუშინ საღამოს შეხვედრის მასპინძელ არენაზე ავარჯიშა, რომლის დასრულების შემდეგაც ნაკრების წევრებმა მოახლოებულ შეხვედრაზე ისაუბრეს.
ნიდერლანდებისა და საქართველოს ნაკრებების დაპირისპირება დღეს, თბილისის დროით 22:30 საათზე გაიმართება. ამ შეხვედრის დასრულების შემდეგ, ჩვენი გუნდი თბილისში დაბრუნდება და ისლანდიასთან მატჩისთვის დაიწყებს მომზადებას. შეგახსენებთ, რომ 26 თებერვალს საქართველოს ნაკრები ისლანდიასთან გამარჯვების შემთხვევაში მსოფლიო ჩემპიონატის საგზურს მოიპოვებს.
