გადამწყვეტი სამქულიანი და რეკორდი | გილჯეს-ალექსანდერის სუპერმატჩი
„ოკლაჰომა სიტი თანდერის“ ლიდერმა, შეი გილჯეს-ალექსანდერმა „დენვერ ნაგეტსთან“ მატჩი გაიბრწყინა - მოქმედმა ჩემპიონმა 129:126 მოიგო, გადამწყვეტი სამქულიანი კი შეხვედრის დასრულებამდე 3.3 წამით ადრე სწორედ კანადელმა გამთამაშებელმა ჩააგდო.
გილჯეს-ალექსანდერმა 35 ქულა და 15 შედეგიანი გადაცემა (პირადი რეკორდი) დააგროვა. აღსანიშნავია ისიც, რომ „დენვერთან“ მატჩი იყო ზედიზედ 126-ე, რომელშიც კანადელმა 20+ ქულა დააგროვა. ამ მაჩვენებლით გილჯეს-ალექსანდერმა უილტ ჩემბერლენის რეკორდული სერია გაიმეორა (1961-1963 წლები).
SGA ties Wilt Chamberlain for the most consecutive 20+ point games in NBA history ⚡️ pic.twitter.com/kfKi7XLdGP
— OKC THUNDER (@okcthunder) March 10, 2026
აქვე გეტყვით, რომ „ოკლაჰომა“ 51 მოგებითა და 15 წაგებით დასავლეთ კონფერენციის პირველ ადგილზეა და მომდევნო მატჩში 13 მარტს „ბოსტონ სელტიქსს“ უმასპინძლებს.
