FIFA The Best: საუკეთესო მწვრთნელების სამეული ცნობილია
FIFA წლის საუკეთესოების ნომინაციებს ეტაპობრივად ასახელებს. რამდენიმე დღის წინ, მსოფლიო ფეხბურთის მმართველმა ორგანომ The Best-ის ჯილდოზე 3 საუკეთესო მეკარე დაასახელა - ტიბო კურტუა, ეიმილიანო მარტინესი, იასინ ბონო.
???? The finalists for #TheBest FIFA Men's Goalkeeper Award are...
— FIFA World Cup (@FIFAWorldCup) February 8, 2023
???????? @emimartinezz1
???????? @thibautcourtois
???????? Yassine Bounou
დღეს კი, წლის საუკეთესო მწვრთნელების ფინალისტები გახდა ცნობილი. კარლო ანჩელოტი (მადრიდის რეალი), პეპ გუარდიოლა (მანჩესტერ სიტი) და ლიონელ სკალონი (არგენტინის ნაკრები).
The three finalists for #TheBest FIFA Men’s Coach Award have been revealed!
— FIFA World Cup (@FIFAWorldCup) February 9, 2023
???????? @PepTeam
???????? @lioscaloni
???????? @MrAncelotti
მანამდე პრეტენდენტთა შორის ასევე იყვნენ დიდიე დეშამი (საფრანგეთი) და ვალიდ რეგრაგი (მაროკო), თუმცა მათ ფინალში მოხვედრა ვერ შეძლეს.
რაც შეეხება წლის საუკეთესო მოთამაშის წოდებას, ჯერჯერობით ფინალისტი სამეული გარკვეული არ არის, თუმცა ვიცით 15 კანდიდატის სია. ის ასე გამოიყურება: ხულიან ალვარესი, ჯუდ ბელინგემი, კარიმ ბენზემა, კევინ დე ბრუინი, ერლინგ ჰოლანდი, აშრაფ ჰაკიმი, რობერტ ლევანდოვსკი, სადიო მანე, კილიან მბაპე, ლიონელ მესი, ლუკა მოდრიჩი, ნეიმარი, მოჰამედ სალაჰი, ვინისიუს ჟუნიორი.
შეგახსენებთ, რომ დაჯილდოების ცერემონია 2023 წლის 27 თებერვალს გაიმართება. კანდიდატთა შედეგების განხილულ პერიოდად 2021 წლის 8 აგვისტოდან 2022 წლის 18 დეკემბრამდე მონაკვეთი სახელდება.
