გიორგი მამარდაშვილი
Aa
Aa

კრიზისში მყოფი ვალენსიას საუკეთესო ფეხბურთელია - Cope-ს სტატია მამარდაზე

ესპანურ პრესაში „ვალენსიას“ ქართველ მეკარეზე, გიორგი მამარდაშვილზე კიდევ ერთი სტატია გამოქვეყნდა. ამჯერად, „მამარდაზე“ ცნობილი რადიოს, Cope-ს ოფიციალური ვებგვერდი წერს და აცხადებს, რომ გიორგი კრიზისში მყოფი „ღამურების“ ერთადერთი ნათელი წერტილია.

„მამარდაშვილი რომ არა...“ - ეს ვალენსიას გულშემატკივრებს შორის გავრცელებული ფრაზაა. ქართველი მეკარის შესაძლებლობებმა ღამურები რამდენჯერმე გადაარჩინა. შორს რომ არ წავიდეთ, გასულ კვირას გამართული მატჩი გავიხსენოთ, რომელშიც მამარდაშვილი რომ არ ყოფილიყო, ვალენსია გაცილებით დიდ ზიანს მიიღებდა.

მესტალიაზე ჩატარებული სადებიუტო მატჩის შემდეგ, მამარდაშვილმა სანიმუშო პროგრესს მიაღწია და მოვიდა დღე, როცა Transfermarkt-ზე იგი 25 მილიონ ევროდაა შეფასებული. არადა, წელიწად-ნახევრის წინ, მისი ფასი 250 000 გახლდათ. ჩეს ამჟამინდელი შემადგენლობიდან, მასზე ძვირადღირებული ფეხბურთელი მხოლოდ ხოსე ლუის გაიაა, უგო გილამონსა და იუნუს მუსას კი იგივე ფასი აქვთ.

მამარდაშვილმა საქართველოს ნაკრებშიც ითამაშა და კონტრაქტთან დაკავშირებით, ორი მნიშვნელოვანი ეტაპი გაიარა. პირველი 2021 წლის 31 დეკემბერს იყო, როცა ვალენსიამ იგი დინამო თბილისიდან გამოისყიდა, მეორე კი მასთან თანამშრომლობის 2027 წლამდე გახანგრძლივება გახლდათ.

მამარდაშვილი ვალენსიას ერთადერთი ფეხბურთელია, რომელმაც ლა ლიგის ყველა შეხვედრაში შეუცვლელად ითამაშა. მას სელტას, სევილიასა და რეალის წინააღმდეგ ბრწყინვალე მატჩები ჰქონდა და მისი სახელი ევროპულ გრანდებს უკვე დაუკავშირეს. მისი თამაში უყურადღებოდ არ რჩება და გიორგის ასპარეზობა ის იშვიათი პოზიტივია, რომელიც ვალენსიას გულშემატკივრებს აქვთ“, - წერს ესპანური გამოცემა.

ცნობისთვის, მამარდაშვილმა ლა ლიგის მიმდინარე სეზონში 20-ვე ტურში სასტარტოში ითამაშა. კარი მშრალად მხოლოდ სამ შეხვედრაში შეინახა, თუმცა გუნდი გოლისგან ბევრჯერ იხსნა. საქართველოს ეროვნული ნაკრების ფეხბურთელმა ესპანეთის თასის სამ მატჩში ითამაშა, გოლი ორ შეხვედრაში არ გაუშვია.

მსგავსი სიახლეები

ცხელი ამბები
ასევე დაგაინტერესებთ
„მეფე გიორგი“ - რას წერს ფრანგული გამოცემა მიქაუტაძეზე
„მეფე გიორგი“ - რას წერს ფრანგული გამოცემა მიქაუტაძეზე