შერმადინი ლიგა ენდესას რეკორდსმენია - ქართველის მორიგი აღიარება
ესპანეთის საკალათბურთო ჩემპიონატის, ლიგა ენდესას იანვრის თვის MVP გიორგი შერმადინი და ედი ტავარიში გახდნენ. იანვრის თვეში შერმადინმა საშუალოდ 18,6 ქულა ჩააგდო, 6,4 მოხსნა შეასრულა და მისი სარგებლიანობის კოეფიციენტი 26,8 იყო.
რაც შეეხება კაბო-ვერდეს წარმომადგენელს, ედი ტავარიშს, მან საშუალოდ 16,2 ქულა ჩააგდო, 7 მოხსნა შეასრულა. მისი სარგებლიანობის კოეფიციენტი 26,8 იყო.
ლიგა ენდესას ისტორიაში ყველა მეტჯერ თვის MVP გიორგი შერმადინი გახდა (11). მან ამ მაჩვენებლით ცნობილ კალათბურთელებს აჯობა, მათ შორის არვიდას საბონისს (7).
???? Historia de la #ACB ‼️
— Lenovo Tenerife (@CB1939Canarias) January 31, 2023
???? @gioshermadini se convierte en el jugador con más MVP mensuales de la #LigaEndesa
???? ¡Felicidades, Gio! #Leyenda pic.twitter.com/pyV6KgEuxQ
გიორგი შერმადინმა ესპანურ მედიასთან ისაუბრა: „ჩემთვის კარგი თვე იყო. მადლობა თანაგუნდელებსა და მწვრთნელებს ნდობისთვის. ეს ჯილდო ყველასთვის ღირებულია“.
¡Por PARTIDA ????????????????????!
— Liga Endesa (@ACBCOM) January 31, 2023
Tavares y Shermadini COMPARTEN uno de los #MVPMovistar del mes de más nivelazo.@gioshermadini:
1⃣8⃣,6⃣ puntos
6⃣,4⃣ rebotes
2⃣6⃣,8⃣ de valoración@waltertavares22:
1⃣6⃣,2⃣ puntos
7⃣ rebotes
2⃣6⃣,8⃣ de valoración
¡Qué ENERO!@movistar_es | #LigaEndesa pic.twitter.com/KCKYBKWpYd
შეგახსენებთ, „ლენოვო ტენერიფეს“ ქართველი ცენტრი გიორგი შერმადინი ესპანეთის ჩემპიონატის მე-18 ტურის საუკეთესო კალათბურთელი გახდა. „შერმინატორმა“ „ფუენლაბრადას“ წინააღმდეგ გაიბრწყინა და შეხვედრა 20 ქულით, 8 მოხსნით, 1 შედეგიანი გადაცემითა და 1 დაფარებით დაასრულა.
„ლენოვო ტენერიფეს“ 14 მოგება და 4 წაგება აქვს და ესპანეთის ჩემპიონატის სატურნირო ცხრილის მე-3 ადგილს იკავებს. ქართველი კალათბურთელის გუნდი მომდევნო შეხვედრას 5 თებერვალს, „რეალის“ წინააღმდეგ გამართავს.
