იტალიელი ჟურნალისტი: “ხვიჩამ მითხრა, რომ რომასთან ითამაშებს“
სერია ა-ს მორიგ ტურში ცენტრალური დაპირისპირებაა. „ნაპოლი“ „რომას“ უმასპინძლებს. ტრავმის გამო ხვიჩა კვარაცხელიამ ბოლო ორი დაპირისპირება გამოტოვა. ქართველმა ფეხბურთელმა „კრემონეზესთან“(თასზე) და „სალერნიტანასთან“ ვერ ითამაშა.
აღნიშნული მატჩის ერთ-ერთი მთავარი ინტრიგა სწორედ ხვიჩას თამაში გახლავთ. გულშემატკივრებს სურთ, რომ ქართველმა ტალანტმა „ჯალოროსის“ წინააღმდეგ ითამაშოს. მატჩისწინა პრესკონფერენციაზე, ამ საკითხზე სპალეტის არაფერი უთქვამს.
CalcioNapoli24-ის ჟურნალისტი, ლუკა კერჩიონე „ტვიტერის“ საკუთარ გვერდზე კვარაცხელიასთან ერთად გადაღებულ ფოტოს აქვეყნებს და საინტერესო განცხადებას ავრცელებს.
რას წერს კერჩიონე:
„კვარაცხელიამ მითხრა, რომ ხვალინდელ გასამართ მატჩში ითამაშებს.“
https://t.co/zLMDoyiNOz pic.twitter.com/lEibnk2hCj
— Luca Cerchione (@lucacerchione) January 28, 2023
შეგახსენებთ, რომ „ნაპოლისა“ და „რომას“ დაპირისპირება 29 იანვრით თარიღდება და თბილისის დროით 23:45-დან დაიწყება.
