სამეფო თასის 1/4-ფინალი: მამარდა და ვალენსია ბილბაოსთან დამარცხდნენ
ესპანეთის სამეფო თასის 1/4-ფინალში გიორგი მამარდაშვილის „ვალენსია“ „ბილბაოს“ დაუპირისპირდა და 1:3 დამარცხდა.
ჯენარო გატუზოს გუნდს წილისყრაში გაუმართლა და მატჩის გამართვა საკუთარ მოედანზე მოუხდათ, თუმცა ამით ვერ ისარგებლეს და ბასკებთან დამსახურებულად დამარცხდნენ.
პირველ ნახევარში 3 გოლი გავიდა. ანგარიში ინაკი უილიამსმა გახსნა, შემდეგ დე მარკოსის ავტოგოლი იყო და ტაიმის მიწურულს ნიკო უილიამსის გოლი.
უნდა აღინიშნოს, რომ მამარდაშვილის ბრალეულობა არცერთ გოლში არ ყოფილა. „ვალენსიას“ დაცვის ხაზი საშინლად გამოიყურებოდა და ძალიან ბევრ შეცდომას უშვებდა. მატჩის სცენარიდან გამომდინარე ქართველ მეკარეს დღეს არცერთი ბურთი არ მოუგერიებია.
მეორე ტაიმში „ბილბაომ“ პენალტის შესრულების უფლება მოიპოვა, რომელიც გოლად ვესგამ აქცია. „მამარდამ“ კუთხე გამოიცნო, თუმცა ბურთის მოგერიება ვერ შეძლო.
ამრიგად, სამეფო თასის ნახევარფინალში „ბილბაო“ ითამაშებს, „ვალენსია“ კი წელს მხოლოდ ლა ლიგაში ითამაშებს და რაც შეიძლება მაღალი პოზიციის დასაკავებლად თუ იბრძოლებს. გატუზოს გუნდი 20 ქულით მე-12 ადგილზე იმყოფება.
