გუარდიოლა: არტეტა არსენალის ქომაგია, ის მათ კარში გოლებს არასდროს აღნიშნავდა

პეპ გუარდიოლამ მიკელ არტეტას შესახებ ისაუბრა და ახსნა, თუ როგორ უყვარს მას „არსენალი“.

„ვიცი, რომ ის თავის კლუბში გადავიდა. თავისი ოცნების გუნდში.

გულშემატკივარია, იქ კაპიტანი იყო. მას უყვარს ეს კლუბი. მახსოვს, როცა ჩვენ (მანჩესტერ სიტიმ) გოლები გაგვქონდა, ის ძალიან ემოციურად აღნიშნავდა, გარდა იმ შემთხვევისა, როდესაც ჩვენ ერთ გუნდს ვუტანდით. ამ დროს ის უბრალოდ წყნარად იჯდა. ეს გუნდი არსენალი იყო.

ეს ჩემს ფეხბურთელებს და თანამშრომლებს ბევრჯერ ვუთხარი. ვიგრძენით, რომ თუ რომელიმე გუნდი მას მთავარი მწვრთნელის პოსტს შესთავაზებდა, წავიდოდა. მე არ ვარ ისეთი ადამიანი, რომ ვთქვა - „დარჩი ჩემთან". ყველას აქვს ოცნებები. ხალხი მაშინ უნდა წავიდეს, როცა ფიქრობენ, რომ ამისთვის საუკეთესო დროა.

რაც შეეხება ფეხბურთელებს, ისინი უნდა წავიდნენ, თუ გუნდით უკმაყოფილონი არიან. ცხოვრება ძალიან ხანმოკლეა“,

- განაცხადა გუარდიოლამ.

შეგახსენებთ, რომ არტეტა, რომელიც ახლა „არსენალს“ წვრთნის, გუარდიოლას სამწვრთნელო შტაბზე „მანჩესტერ სიტიში“ 2016-2019 წლებში მუშაობდა.