ბრისტოლ როვერსის ფეხბურთელი სიმსივნეს ებრძვის - კლუბის მხარდამჭერი ჟესტი
ინგლისის რანგით მე-3 დივიზიონში, ლიგა 1-ში მოასპარეზე „ბრისტოლ როვერსის“ ფეხბურთელი, ნიკ ანდერტონი ძვლის სიმსივნეს ებრძვის. მას ეს დიაგნოზი ზაფხულში დაუსვეს და მისმა თანაგუნდელებმა, კლუბში მომუშავე ადამიანებმა და სამწვრთნელო შტაბის წევრებმა მისთვის მხარდაჭერის გამოხატვა გადაწყვიტეს.
მათ 16 იანვარს თავი გადაიპარსეს და მოგვიანებით, სოციალურ ქსელებში ფოტო გამოაქვეყნეს, რომელზეც მათი ჟესტი იყო აღბეჭდილი. პარალელურად, კლუბი თანხას აგროვებს, რათა ანდერტონს მკურნალობის პროცესში დაეხმაროს.
???? Bristol Razors 2022/23.#BristolRovers pic.twitter.com/a0u0glpElN
— Bristol Rovers (@Official_BRFC) January 16, 2023
სხვათა შორის, 16 იანვარი სიმბოლურად შეირჩა, რადგან ნიკი 16-ნომრიანი მაისურით ასპარეზობს. ასევე, „ბრისტოლ როვერსის“ წარმომადგენლები ესტუმრნენ, დალაქს, რომელიც არა „ბრისტოლ როვერსის“, არამედ მისი მთავარი მტრის, „ბრისტოლ სიტის“ გულშემატკივარია და ამით დაამტკიცეს, რომ არის რაღაცები, რაც ყველას აერთიანებს.
