აკრძალვა მოიხსნა - ავსტრალიის ღია პირველობაზე კოვიდ ინფიცირებულებიც ითამაშებენ

კორონავირუსის გამო გასულ სპორტულ სამყაროს სერიოზული პრობლემები შეექმნა. გამონაკლისი არც ჩოგბურთი იყო. გასული წლის ავსტრალიის ღია პირველობაზე ნოვაკ ჯოკოვიჩი მხოლოდ იმის გამო არ ათამაშეს, რომ კოვიდ ინფექციის საწინააღმდეგო ვაქცინა არ ჰქონდა გაკეთებული.

დღეს, ავსტრალიის ღია პირველობის დირექტორი კრეიგ ტაილიმ საინტერესო განცხადება გააკეთა. ვიგებთ, რომ წლის პირველ დიდ სლემზე ისეთი მოთამაშეები შეძლებენ კორტზე გასვლას, რომელსაც Covid-19 დაფიქსირებული ექნებათ.

რა თქვა ტაილიმ?

„ჩოგბურთელებს და პერსონალს გარკვევით ავუხსენით, რომ თუ ვინმე თავს ცუდად იგრძნობს ჯობს სახლში დარჩეს. ეს ჩვენთვის ნორმალური გარემოა. მიუხედავად ამისა, ითამაშებენ ისეთი მოთამაშეები, რომლებსაც კორონავირუსი დადასტურებული ექნებათ. აკრძალვა აღარ გვაქვს. ასეთი შემთხვევა კრიკეტში უკვე გვქონდა.“

გასულ კვირას, სიდნეიში ავსტრალიის კრიკეტის ნაკრები სამხრეთ აფრიკას უპირისპირდებოდა. მასპინძელთა შემადგენლობაში მოთამაშე მეთ რენშოუს კორონავირუსი დადასტურებული ჰქონდა და ისე თამაშობდა. სწორედ ამას გულისხმობდა კრეიკ ტაილი.

შეგახსენებთ, რომ გასული წლის ავსტრალიის ღია პირველობა რაფაელ ნადალმა მოიგო. ფინალში „მატადორმა“ რუსი დანილ მედვედევი დაამარცხა.