რონალდუ მესის წინააღმდეგ - ამხანაგური მატჩები ოფიციალურად ჩაინიშნა
„პარი სენ-ჟერმენმა“ ოფიციალური განცხადება გაავრცელა და დაადასტურა, რომ 18-19 იანვარს დოჰასა და ერ-რიადს ესტუმრება. პარიზელები ორ ამხანაგურ მატჩს გამართავენ და „ალ-ჰილალსა“ და „ალ-ნასრის“ შეხვდებიან.
როგორც მოგეხსენებათ, „ალ-ნასრის“ რიგებში კრიშტიანუ რონალდუ ასპარეზობს და არის შანსი, ლიონელ მესისა და მისი დაპირისპირება კიდევ ერთხელ ვიხილოთ. „ალ-ნასრისა“ და „პარი სენ-ჟერმენის“ მატჩი 19 იანვარსაა ჩანიშნული და მისი დასრულების შემდეგ, პარიზელები სამშობლოში დაბრუნდებიან.
Paris Saint-Germain will head to Qatar for the traditional Winter Tour plus a friendly in Riyadh ????????#PSGQatarTour2023 ????????
— Paris Saint-Germain (@PSG_English) January 9, 2023
ცნობისთვის, მესისა და რონალდუს ერთმანეთის წინააღმდეგ 2020 წლის შემდეგ არ უთამაშიათ. მაშინ „იუვენტუსი“ „ბარსელონას“ დაუპირისპირდა და 3:0 დაამარცხა. ჩემპიონთა ლიგის ეგიდით გამართულ შეხვედრაში, რონალდუ დუბლით გამოირჩა.
შეგახსენებთ, რომ რონალდუმ საუდის არაბეთის კლუბ „ალ-ნასრთან“ 2.5-წლიანი კონტრაქტი გააფორმა, ანაზღაურების სახით კი ერთ სეზონში 200 მილიონ დოლარს მიიღებს. რამდენიმე კვირის წინ გავრცელებული ინფორმაციით, საუდის არაბეთის სამეფო ოჯახს სურს, ადგილობრივ ჩემპიონატში ლიონელ მესიც იხილოს.
