დარვინ ნუნიესი
Aa
Aa

„მისი მსგავსი სტარტი გვქონდა“ - Domino’s Pizza-მ დარვინ ნუნიესს დასცინა

ცნობილმა პიცერიამ, Domino’s Pizza-მ „ლივერპულის“ ფეხბურთელს, დარვინ ნუნიესს დასცინა. მერსისაიდელთა ახალწვეულს „ბრენტფორდთან“ კარგი მატჩი ნამდვილად არ ჰქონია და რამდენიმე რეალური მომენტი გააფუჭა, რის შემდეგაც Domino’s Pizza-ს ყურადღების ცენტრში მოექცა.

„ბოდიშს გიხდით, თუ ამ საღამოს, რომელიმე შეკვეთა გამოგვრჩა, ამ ბიჭის მსგავსი სტარტი გვქონდა“, - დაწერა ცნობილმა პიცერიამ და „ტვიტერის“ საკუთარ გვერდზე დარვინ ნუნიესის ფოტო გამოაქვეყნა.

აღნიშნულ პოსტს სოციალურ ქსელებში დიდი გამოხმაურება მოჰყვა. იყვნენ ისეთები, ვისაც Domino’s Pizza-ს ხუმრობა მოეწონა, თუმცა გულშემატკივრების უმრავლესობამ პიცერია გააკრიტიკა. მათი თქმით, ეს სრულიად მიუღებელი და სამარცხვინო გადაწყვეტილება იყო, რომლის გამოც, კომპანია ბევრ მომხმარებელს დაკარგავს.

შეგახსენებთ, რომ „ლივერპული“ 3:1 დამარცხდა და 19 ტურის შემდეგ, პრემიერ ლიგის სატურნირო ცხრილში 28 ქულით მე-6 პოზიციაზე იმყოფება. ნუნიესს ყველაზე რეალური მომენტი მე-8 წუთზე მიეცა და ცარიელ კარში ვერ გაიტანა. ურუგვაელის დარტყმას „ბრენტფორდის“ უკანახაზელი, ბენ მი გადაეღობა.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    „მსგავსი ნიჭის ფეხბურთელი 50 წელში ერთხელ იბადება“ - La Repubblica-ს რეპორტაჟი საქართველოდან
    „მსგავსი ნიჭის ფეხბურთელი 50 წელში ერთხელ იბადება“ - La Repubblica-ს რეპორტაჟი საქართველოდან