იტალიური პრესა: 50-დღიანი პაუზის შემდეგ გენიოსი მარადონაზე ბრუნდება

დღეს ღამით (23:30) „ნაპოლი“ ზამთრის მესამე ამხანაგურ მატჩს გამართავს და „დიეგო მარადონაზე“ „ვილიარეალს“ უმასპინძლებს.

ხვიჩა კვარაცხელია, რომელიც წელის ტრავმის შემდეგ მოედანს დაუბრუნდა, დღეს საშინაო არენაზე დიდხნიანი პაუზის შემდეგ ბრუნდება.

ამ ფაქტს იტალიური La Repubblica გამოეხმაურა:

„ქართველი ტალანტი მზად არის შოუ ისევ დადგას. ამაღამ „მარადონა“ კვლავ აინთება. კვარაცხელია ვილიარეალის წინააღმდეგ განსაკუთრებული დაკვირვების ქვეშ იქნება. გენიოსი, რომელმაც ნეაპოლურ პუბლიკას თავი სამ თვეში შეაყვარა.

კვარაცხელიასთვის ვილიარეალთან ამხანაგური მატჩი განსაკუთრებული იქნება. ქართველს ამ შეხვედრაში დააკვირდებიან. ტრიბუნებზე შეკრებილი დაახლოებით 25 ათასი გულშემატკივარი თვალებით მინდორზე 77-ე ნომერს დაუწყებს ძებნას.

ბოლო სპექტაკლი, რომელიც ხვიჩამ ამ არენაზე დადგა 29 ოქტომბრით თარიღდება - მატჩი სასუოლოსთან. ქომაგების კუმირმა მაშინ გოლი გაიტანა და ორი საგოლე გადაცემა შეასრულა. ენფილდზე მიღებული დაზიანების შემდეგ „შუქი ჩაქრა“ და ნაპოლის აღარ სურს, რომ კვარას გარეშე თამაში კიდევ მოუწიოს“.

შეგახსენებთ, რომ სერია A 4 იანვარს განახლდება და ლუჩანო სპალეტის გუნდს მილანში „ინტერთან“ დაპირისპირება ელის.