გოგა ბითაძე
Aa
Aa

ბითაძემ მცირე სათამაშო დრო მიიღო - ინდიანამ ორლანდო დაამარცხა

გოგა ბითაძის „ინდიანა პეისერსმა“ ზედიზედ მე-5 თამაში მოიგო. ქართველი კალათბურთელის გუნდის მორიგი მეტოქე „ორლანდო მეჯიქი“ გახლდათ, რომელიც „ინდიანამ“ მარტივად დაამარცხა და 21-ქულიანი უპირატესობით იმარჯვა - 123:102.

სამწუხაროდ, გოგას ძალიან მცირე სათამაშო დრო მიეცა. ბითაძე პარკეტზე მაშინ გავიდა, როცა ყველაფერი გადაწყვეტილი იყო და „ინდიანა“ 23 ქულით იგებდა. ქართველმა ცენტრმა 4 წუთი და 34 წამი ითამაშა და ამ დროში 1 მოხსნის გაკეთება მოასწრო. გოგამ 1 სამქულიანი გააფუჭა, 1 დაკარგვა ჰქონდა და 2-ჯერ დაჯარიმდა.

„ინდიანას“ ბენედიქტ მატურინმა ულიდერა, რომელმაც სათადარიგოთა სკამიდან 22 ქულა, 5 მოხსნა და 1 შედეგიანი გადაცემა გაიფორმა. ტი ჯეი მაკკონელს 19 ქულა და 10 შედეგიანი გადაცემა ჰქონდა, ტაირიზ ჰალიბერტონმა 18 ქულა, 14 ასისტი და 4 მოხსნა მიითვალა, ხოლო ოშეი ბრისეტი 18 ქულას დასჯერდა.


„ინდიანას“ 10 მოგება და 6 მარცხი აქვს და აღმოსავლეთ კონფერენციაში მე-4 გახლავთ. „პეისერსმა“ ზედიზედ 5 შეხვედრა ბოლოს 2020 წლის იანვარში მოიგო და წარმატებული სვლის გაგრძელებას 24 ნოემბერს შეეცდება, როცა „მინესოტა ტიმბერვულვზს“ დაუპირისპირდება.

მსგავსი სიახლეები

ცხელი ამბები
ასევე დაგაინტერესებთ
„ეს მუნდიალის დაწყებამდე ვთქვი“ - კოლინა არბიტრთა მიერ დამატებულ წუთებზე
„ეს მუნდიალის დაწყებამდე ვთქვი“ - კოლინა არბიტრთა მიერ დამატებულ წუთებზე