გადაწყვეტილება შეცვლილია - რუსეთის სახელით მოასპარეზე ჩოგბურთელი საქართველოს უბრუნდება
29 წლის ჩოგბურთელი, ნათელა ძალამიძე, სხვადასხვა ტურნირზე რუსეთის სახელით გამოდიოდა, თუმცა WTA-ს წყვილთა რეიტინგში 44-ე პოზიციაზე მყოფმა ჩოგბურთელმა საქართველოს სახელით ასპარეზობის გადაწყვეტილება მიიღო. ინფორმაცია WTA-ს ოფიციალურ ვებგვერდზე გაჩნდა, სადაც ძალამიძის სახელის გვერდით საქართველოს დროშას ვხედავთ.
როგორც ირკვევა, უიმბლდონზე, წყვილთა თანრიგში, ძალამიძე სერბ ალექსანდრა კრინიჩთან ერთად იასპარეზებს.
Sitting pretty on the Hill ????#Wimbledon pic.twitter.com/erSQB5yeiw
— Wimbledon (@Wimbledon) June 16, 2022
აღსანიშნავია, რომ უიმბლდონმა რუსი და ბელარუსი სპორტსმენების არდაშვების გადაწყვეტილება უკრაინაში მიმდინარე მოვლენების გამო მიიღო. რამდენიმე რუსმა ჩოგბურთელმა საჯაროდ დააფიქსირა, რომ ომს ეწინააღმდეგება, თუმცა უიმბლდონის პოზიცია უცვლელი დარჩა.
კომენტარები
იყავით პირველი, ვინც დაწერს კომენტარს