ბენფიკამ ოფიციალურად დაადასტურა - ლივერპულმა ნუნიესი იყიდა
„ბენფიკამ“ ოფიციალური განცხადება გაავრცელა და დარვინ ნუნიესის „ლივერპულში“ ტრანსფერი დაადასტურა. მერსისაიდელები ახალგაზრდა შემტევის სანაცვლოდ 75 მილიონ ევროს გადაიხდიან, რასაც შესაძლოა, 25 მილიონი ევროს ოდენობის ბონუსები დაემატოს და თანხა 100 მილიონამდე ავიდეს.
ნუნიესი ლივერპულში დღეს ჩაფრინდება და სამედიცინო შემოწმებას გაივლის. თუ მას რაიმე სერიოზული პრობლემა არ აღმოაჩნდა, მხარეებს შორის კონტრაქტი გაფორმდება და იგი „ენფილდის“ ბინადრებს საკუთარ მომავალს 2028 წლამდე დაუკავშირებს.
Official and here we go confirmed!Darwin Núñez, new Liverpool player on a permanent deal from Benfica. ???????? #LFC
— Fabrizio Romano (@FabrizioRomano) June 13, 2022
Benfica statement confirms “deal now signed for €75m fee plus add-ons to reach €100m package”.
Núñez will sign until 2028, medical today.
Never been in doubt. pic.twitter.com/DEroWLCBH7
შეგახსენებთ, რომ ნუნიესი „ლივერპულის“ ყველაზე ძვირადღირებული შენაძენი გახდება. აქამდე პირველ ადგილზე ვირჯილ ვან დეიკი გახლდათ. მერსისაიდელებმა ნიდერლანდელი „საუთჰემპტონიდან“ გადაიყვანეს და მისი ტრანსფერი 75 მილიონი გირვანქა სტერლინგი დაუჯდათ.
ცნობისთვის, გასულ სეზონში, ნუნიესმა „ბენფიკას“ მაისურით 41 შეხვედრა ჩაატარა და მის ანგარიშზე 34 გოლი და 4 საგოლე გადაცემაა.
