წარუმატებელი სტარტი - ტოჩინოშინი იორიკირით დამარცხდა
სუმოში, ტოკიოში წლის მესამე სუპერტურნირი, ''ნაცუ ბაშო'' დაიწყო. პირველ შეხვედრაში ტოჩინოშინმა წარუმატებლად იასპარეზა, მე-10 მაეგაშირა ოკინოუმისთან იორიკირით დამარცხდა.
მარცხის მიუხედავად ტოჩინოშინს ოკინოუმისთან შეხვედრებში დადებითი ბალანსი აქვს, 19 დაპირისპირებიდან 11 მოიგო და 8 დათმო.
სუპერტურნირის მეორე დღეს ტოჩინოშინის მეტოქე მე-10 მაეგაშირა ნიშიკიგი იქნება. მათი 8 შეხვედრიდან 5 ლევან გორგაძის გამარჯვებით დასრულდა, სამი შეხვედრა 31 წლის იაპონელმა მოიგო.
შეგახსენებთ, მიმდინარე ბაშოზე ქართველი სეკიტორი მე-9 მაეგაშირას წოდებით გამოდის. გასულ ბაშოზე ტოშინოშინი დასავლეთის მე-15 მაეგაშირა გახლდათ, თუმცა 15 შერკინებიდან 9-ში იმარჯვა და დაწინაურება გაინაღდა.
