დალას მავერიქსი, იუტა ჯაზი
Aa
Aa

დონჩიჩის შოუ იუტასთან - ჯაზმა ამ სეზონში ერთ-ერთი ყველაზე ცუდი მატჩი ჩაატარა

„დალას მავერიქსი“ „იუტა ჯაზთან“ სერიაში დაწინაურდა - 3:2. ტექსასელებმა მე-5 შეხვედრა საკუთარ კედლებში გამართეს და მეტოქეს შანსი არ დაუტოვეს. „დალასმა“ მხოლოდ მეოთხე მეოთხედი წააგო, ისიც ერთი ქულით და საბოლოოდ, „ჯაზმენები“ 102:77 გაანადგურა.

„მავერიქსთან“ შეხვედრაში „იუტამ“ 30-დან მხოლოდ 3 სამქულიანი ჩააგდო. NBA-ის პლეიოფების ისტორიაში გუნდის მიერ, რომელმაც პერიმეტრიდან მინიმუმ 25-ჯერ შეუტია, ეს ყველაზე ცუდი პროცენტია. გარდა ამისა, „ჯაზს“ საკუთარ ისტორიაში ამაზე უარესი შედეგი არასდროს ჰქონია. საინტერესოა ისიც, რომ „იუტას“ შეტევა რეგულარულში მთელ NBA-ში საუკეთესო იყო, დღეს კი მხოლოდ 77 ქულა ჩააგდო, რაც „დალასის“ ბრწყინვალე დაცვის დამსახურებაა.

„მავერიქსი“ შეტევაშიც დომინირებდა და გუნდს ლუკა დონჩიჩმა ულიდერა, რომელმაც 33 ქულა, 13 მოხსნა, 5 შედეგიანი გადაცემა და 1 დაფარება მიითვალა. ჯეილენ ბრანსონს საოცარი სერია აქვს და 20-ქულიანი ნიშნული კიდევ ერთხელ გადალახა - 24 ქულა, 5 მოხსნა, 4 შედეგიანი გადაცემა. „იუტას“ მხრიდან ერთადერთი, ვინც მაღალ დონეზე იასპარეზა, ჯორდან კლარკსონი გახლდათ - 20 ქულა, 4 მოხსნა, 3 ასისტი. რუდი გობერს 17 ქულა და 11 მოხსნა ჰქონდა, დონოვან მიჩელმა კი 15-დან მხოლოდ 4 ბურთი ჩააგდო.


ცნობისთვის, „დალასი“ 3:2-ს იგებს და მომდევნო შეხვედრას სტუმრად გამართავს. „იუტა“ საკუთარ თავს არ ჰგავს და არაა გამორიცხული, ყველაფერი სოლტ ლეიკ სითიში მდებარე „ვივინტ არენაზე“ დასრულდეს.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    მანჩესტერ სიტი v მადრიდის რეალი - მატჩის წინ
    მანჩესტერ სიტი v მადრიდის რეალი - მატჩის წინ